Le legier Lievre, animal tresfecond,
De concevoir ou d'engendrer ne cesse,
Le premier fruict n'attendant le second :
Car, Androgine, ha l'un et l'autre sexe.
Defense il n'ha (parquoy chescun le vexe)
Ongles, ne dens, ne cornes : peu heureux,
Dont se sentant sans armes est paoureux,
Car, de sa chair savoureuse, font chasse
Oyseaux et chiens, ou pour l'homme, ou pour eux.
Quiconque fuit, il trouve qui le chasse.